अंग्रेजी हिज्जे प्रतियोगितामा कृष्ण आर्दश प्रथम

हेटौंडा । निजी तथा आवासीय विद्यालय संगठन (प्याब्सन) मकवानपुरको आयोजनामा माघ १६ गतेदेखि जारी साताव्यापी कार्यक्रम अन्र्तगत सोमबार भएको अंग्रेजी हिज्जे प्रतियोगितामा श्रीकृष्ण आर्दश बोर्डिङ स्कुल प्रथम भएको छ ।

प्रतियोगितामा कृष्ण आर्दशको अनमोल उपाध्याय, अनिसा सिंह र सुजिता गोग्वा प्रथम भएका छन् । द्धितीय सोलिड्यारिटी इन्टरनेशनल एकेडेमीका अमित जैसवाल, सचिन यादव र आरोध्या सिंह भए । यस्तै प्रतियोगितामा ब्रम्हदिक एकेडेमीका निहारिका दाहाल, हंसिका महतो र मिरिसा होयोजु तृतिय भएका छन् ।

यसैगरी आजै भएको गाउँखाने कथा प्रतियोगितामा बालजागृती बोर्डिङ स्कूल प्रथम भएको छ । बालजागृतीको जीवीका पराजुली, विवेक यादव, रिवाज बर्तौला प्रथम भएका छन् । प्रतियोगितामा रेडरोज विद्यालयका कृपा अधिकारी, कृषा चौलागाईं, निष्चल अधिकारी द्धितीय भएका छन् । यस्तै जीएस निकेतनका सारा केसी, उकिसा अधिकारी र राजन खनाल तृतिय भएका छन् ।

श्रीबहादुर कार्कीको अध्यक्षतामा भएको प्रतियोगिताको प्रमुख अतिथि साहित्यकार तुल्सी थापा रहेका थिए ।