मकवानपुरमा बिहानै भूकम्पको झट्का
मकवानपुरमा आज बिहानै भूकम्पको झट्का महसुस भएको छ । आइतबार बिहान करिब ७ बजेर ४० मिनेटमा भूकम्पको धक्का महसुस भएको हो ।
मकवानपुरको हेटौंडासहित आसपासका क्षेत्रमा भूकम्पको धक्का महसुस भएको सर्वसाधारणले जनाएका छन् । बागमती प्रदेशको मकवानपुर, काठमाडौं उपत्यकासहित अन्यजिल्ला तथा त गण्डकी प्रदेशलगायत आसपासका क्षेत्रमा पनि भूकम्पको धक्का महसुस गरिएको छ ।
पश्चिम क्षेत्रमा भूकम्पसहित पटकपटक धक्का महसुस भएपनि बागमती प्रदेशमा लामो समयपछि महसुस गरिएको हो । धक्काले दशै अन्र्तगत महाअष्टमी मनाउने तयारीमा रहेकाहरुलाई तर्साएको छ ।
यो २०७२ वैशाख १२ को उत्तरी गोरखाको बारपाक केन्द्रविन्दु गरी गएको भूकम्पकै परकम्प हो कि नयाँ कम्पन हो भनेर राष्ट्रिय भूकम्प मापन केन्द्रले खुलाइसकेको छैन।