हेटौंडा अस्पतालमा कोरोनाले थप ४ जनाको ज्यान गयो
मदन भन्डारी स्वास्थ्य विज्ञान प्रतिष्ठानद्वारा संचालित हेटौंडा अस्पतालको कोभिड उपचार कक्षमा उपचारका क्रममा थप ४ जनाको मृत्यु भएको छ ।
अस्पतालका कोभिड इन्चार्ज डा. सागर काफ्लेले अनुसार मृत्यु हुनेमा तीन महिला र एक जना पुरुष रहेका छन् । मृत्यु हुनेमा सबै हेटौंडा उपमहानगरपालिकाका रहेका छन् । उनका अनुसार हेटौंडा–१४ की ७४ र ४८ बर्षीया महिला, हेटौंडा–८ की ६१ बर्षीया महिला र हेटौंडा–२ का ६४ बर्षीय पुरुषको मृत्यु भएको हो ।
कोरोनाबाट आज आइतबार विहान दुई जना र शनिबार हिजो बेलुका दुई जनाको मृत्यु भएको अस्पतालका कोभिड इन्चार्ज डा. काफ्लेले जानकारी दिए । स्वासप्रस्वासमा समस्या भएपछि उनीहरु कोभिड अस्पतालमा भर्ना भइ आइसीयु कक्षमा उपचाररत थिए
थपिएका ४ जनासंगै हेटौंडा अस्पतालमा उपचार गर्दागर्दै ज्यान गुमाउनको संख्या १९ पुगेको छ । कोरोना संक्रमणको उच्च जोखिममा रहेको मकवानपुरमा अहिले दैनिक जसो संक्रमितको उपचारका क्रममा ज्यान गइरहेको छ ।
।