आज राती १२ बजेबाट हेटौंडामा निषेधाज्ञा (के–के मा लाग्यो रोक सूचनासहित)
हेटौंडासहित मकवानपुरका विभिन्न स्थानमा कोरोना संक्रमित बढ्दै गएपछि जिल्ला प्रशासन कार्यालय मकवानपुरले निषेधाज्ञा जारी गरेको छ । मकवानपुरमा आइतबार २३ जनामा कोरोना पुष्टि भएपछि प्रशासनले हेटौंडा र मनहरी गाउँपालिकामा निषेधाज्ञा जारी गरेको हो ।
जिल्ला प्रशासन कार्यालयमा प्रजिअ दीपकराज नेपालको अध्यक्षतामा बसेको जिल्ला सुरक्षा समितिको बैठकले हेटौँडा र मनहरीमा आज २६ गते सोमबार राती १२ बजेबाट साउन ३२ गतेसम्म निषेधाज्ञा गर्ने निर्णय भएको जनाइएको छ । मनहरी गाउँपालिकाको पूर्वपश्चिम राजमार्ग क्षेत्रमा मात्र निषेधाज्ञा जारी गरिएको छ ।
यसअघि नै प्रशासनले तराईबाट हेटौंडा भित्रने चुरियामार्य नाकामा कडाई गर्ने र ब्यूटीपार्लर, हेल्थ क्लब, सैलुन, होटल रेस्टुरेन्ट सञ्चालनमा प्रतिबन्ध लगाइसकेको छ ।