राप्रपा निकट विद्यार्थीद्वारा मकवानपुरमा राँके जुलुस प्रदर्शन
हेटौंडा । सिमा अतिक्रमणको बिरोध गर्दै राप्रपा निकट राष्ट्रिय प्रजातान्त्रिक विद्यार्थी संगठन मकवानपुरले हेटौंडामा राँके जुलुस प्रदर्शन गरेका छन् । नेपाली भूमीमा भारतीय अतिक्रमण विरुद्ध विद्यार्थीले राँके जलुस प्रदर्शन गरेको छ ।
केन्द्रिय सदस्य अनिष चौलागाईं र वंशगोपाल बहुमुखी क्याम्पसका स्ववियु सभापति लक्ष्मण पौडेलको नेतृत्वमा भएको प्रदर्शनमा विदेशी हस्तक्षेप मुर्दावाद, सिमा मिच्न पाईदैन, कालापानी,लिपुलेक हाम्रो हो,आत्मसमर्पणवाद मुर्दाबाद जस्ता नारा लगाएका थियो ।
विद्यार्थी नेताहरुले मातृभुमिको निमित्त बलिदान गर्न तयार रहेको भन्दै सरकारले खुट्टा कमाउन नहुने बताए । विदेशीको हेपाह र मिचाह प्रवृत्ति विरुद्ध सरकार खरो रुपमा नउत्रीए सरकार विरुद्ध आन्दोलन हुने उनिहरुले चेतावनी समेत दिए ।– खबरब्रेक डटकमबाट