बागमती प्रदेश सरकारले विशेषज्ञ चिकित्सकसहित १६६ स्वास्थ्यकर्मी नियुक्त गर्दै
बाइलाइन नेपाल
बागमती प्रदेश सरकारले विशेषज्ञ चिकित्सकसहित चिकित्सक, नर्स तथा स्वास्थ्यकर्मी गरी १६६ नियुक्त जना गर्ने भएको छ । प्रदेशको सामाजिक विकास मन्त्रालयले विभिन्न ३६ पदमा स्वास्थ्यकर्मी नियुक्त गर्न लागेको हो । प्रदेश मातहतका अस्पताल तथा स्वास्थ्य संस्थामा व्यवस्थापन गर्ने गरी करारमा कर्मचारी भर्ना गर्न लागेको मन्त्रालयले जनाएको छ ।
मन्त्रलयले नवौँ तहमा काम गर्ने गरी ३ जना प्रसूति तथा स्त्रीरोग विशेषज्ञ, ३ जना हाडजोर्नी विशेषज्ञ, ५ जना कन्सल्टेन्ट एनेस्थोसियोलोजिष्ट, कन्सल्टेन्ट जनरल फिजिसियन ४, कन्सल्टेन्ट डर्माटोलोजिष्ट १, कन्सल्टेन्ट पिडीयाट्रिसियन १, कन्सल्टेन्ट प्याथोलोजिष्ट २, कन्सल्टेन्ट माइक्रोबायोलोजिष्ट १, कन्सल्टेन्ट रेडियोलोजिष्ट १, कन्सलटेन्ट सर्जन ५, कन्सल्टेन्ट साइक्याट्रिक ५, जनस्वास्थ्य प्रशासक र शिक्षा स्वास्थ्य प्रशासक २–२ र नर्सिङ प्रशासक १ जनाको विज्ञापन प्रकाशन गरेको छ ।
त्यस्तै आठौँ तहका लागि मेडिकल अधिकृत १७, दन्त चिकित्सक २, आयुर्वेद चिकित्सक ३ जनाका लागि दरखास्त आह्वान गरिएको छ । मन्त्रालयद्वारा प्रकाशित विज्ञापनमा सातौँ तहमा नर्सिङ अधिकृत, फिजियो थेरापिष्ट र फार्मेसी अधिकृत २–२, मेडिकल ल्याब टेक्नोलोजिष्ट ६, कनिष्ठ नर्सिङ अधिकृत ३, जनस्वास्थ्य अधिकृत १०, वायोमेडिकल इञ्जिनीयर १ जना माग गरिएको छ ।
त्यस्तै पाँचौँ तहका लागि डेन्टल हाइजेनिष्ट, एनेस्थिेटिक सहायक, फार्मेसी सहायक, बायोमेडिकल टेक्निसियन, मेडिकल रेकर्डर सुपरभाइजर, सहायक डाइटीसियन, स्टाफ नर्स, हेल्थ असिस्टेन्ट, ल्याब टेक्निसियनको माग गरिएको छ भने चौथो तहका लागि अनमी, अहेब र ल्याब सहायकको माग गरिएको छ ।
