सुन्दर ग्रुपको वार्षिकोत्सवमा विद्यालयलाई दराज

हेटौंडा । सुन्दर ग्रुप अफ कम्पनिज प्रालि हेटौंडाले विद्यालयलाई दराज सहयोग गरेको छ । ग्रुपको ५ औं वार्षिकोत्सवको अवसरमा हेटौंडा उपमहानगरपालिका–१ नकौलीमा रहेको कालिका आधारभूत विद्यालयलाई २ थान दराज सहयोग गरेको हो ।

सुन्दर ग्रुप अफ कम्पनिज प्रालिका अध्यक्ष एवम् हेटौंडा जेसीजका वर्ष २्०२५ का कार्यकारिणी उपाध्यक्ष सन्तोष पराजुलीको प्रमुख आतिथ्यतामा भएको कार्यक्रममा विधालयका प्रअ बैकुण्ठ पराजुली, कम्पनीका संचालकहरू संजय पौडेल, पर्वत बर्तौला, जीवन छत्कुलीलगायत विध्यालयका शिक्षक तथा विद्यार्थीको उपस्थित रहेको थियो ।

कार्यक्रम कालिका बाल समूूहका अध्यक्ष स्नेहा भुलुनको सभाध्यक्षतामा भएको थियो । कार्यक्रममा कम्पनिका अध्यक्ष पराजुलीले प्रत्येक वर्ष १ जना जेहेन्दार विद्यार्थीलाई छात्रवृत्ति प्रदान गर्ने प्रतिबद्धता जनाएका थिए । ग्रुपले विभिन्न क्षेत्रमा सहयोग तथा समाजिक काम गर्दै आएको छ ।